Spielgruppestart August 2023
Die zweit Wuche nach de Summerferie sind mir i oises Spielgruppejahr 2023/24 gstartet. Vieli neue und au bekannti Chinderauge döfed mir ufem Brändlehof begrüsse. Pünktlich zu oisem Start het de OPi
( Marcel Brändle) ois mit de Motorsagi es Rössli gschnitzt wo i oisem Spielgruppegärtli zum riite und pflege staht. Dank viel mal für dini toll Arbet. Da froied sich en hufe Chinde.
Bibeli izoge August 2023
Dörf ich oi vorstelle bi ois sind 4 Bibeli izoge.. Zwei Bruni und 2 Wissi. Mir freued ois sehr mit allne Chinde wo uf de Brändlehof chemed s beobachte wie d Bibeli läbed und wachsed😍🐥🐥🐥
Abschlusswoche Juli 2023
Wahnsinn wie Ziit vergaht und scho isch wider es Jahr verbie und en hufe Chinde chemed in Chindzgi und mir münd Abschied neh. Es isch e wunderschöns Jahr gsie mit viel tolle begegnige und schöni Moment. Mir hend en hufe erläbt im Stall, bi de Tier und i de Natur. Mir wünsched allne Kids wo in Chindzgi chemed en guete Start. Freumi uf jedes Gsichtli womer irgendwo amel gseht :)
Käsereibesuch - Abschlussreisli Juni 2023
Die Wuche simer mit de Burehofspielgruppe go luege wo oisi Milch vom Brändlehof here gaht und zu Emmentaler verarbeitet wird. Sehr sehr intressant gsie. Die verschiedene Schritt und s probiere vo dem feine Chäs😋😋 Danke viel mol am Beni Näf und Team das ihr ois de Ihblick ermöglicht hend.😉De Gunterhuuser Emmentaler cha bi de Familie Näf direkt oder im Dorfmarkt kauft werde.
Aria - Wenn das Herz enstscheidet
Am 29.4 isch ganz unplaned bi ois die chlini Aria izoge. D Aria isch e Sheltiehündin uns em schöne Bündnerland. Sie isch en chline Wirbelwind und wird ois uf trapp halte. Schön bisch du bi ois liebi Aria.
Ich freu mich uf tolli erlebnisriichi wildi Stunde mit dir.
Muttertagbasteln 2023
Für de Muettertag hend dörfe d Papis zu ois id Spielgruppe cho und mit de Chind e Vase für ihres Mami gstalte. Es 36 verschiedeni Vase mit verschiedenen Blume geh.
Frohi Festtäg und en guete Rutsch
Mir wünsched oisne "Brändlehof- Bsucherli"
, Familie, Fründe, Verwanti und Bekannti ganz schöni Festtäg und en guete Rutsch
Mir freued ois im Jahr 2023 mit oi vieli tolli Moment und Erläbnis ufem Brändlehof z erläbe
Macheds guet und blibed Gsund
Ps: die schöne Werk hend Chinde gmacht
Ziegengruppe
Dezember 2022
Am Dienstag 13.12 isch oisi Zita leider für immer igschlofe. Da mer Geisli ned dörf eleige ha, hemer ois uf suechi noch ere Familie oder eme Gspändli für de Ferdi gmacht. Mit eme weinende Aug, isch de Ferdi am Samstig 17.12 den bi de Familie Nef-Nägeli zu drü Geisemädels izoge. Wens i de Herde guet lauft dörf er bi de noie Fründe blibe. Danke viel mol de Familie Nef fürs ufnäh vom Ferdi.
Grittbänz Chlauswoche 2022
Die Wuche hend Kinde, kneted, zeiged, färbled, gformt, verziehrt und agstiche.
Es het tolli ganz verschiedeni Grittibänze geh :)
Bunti Herbstbäum vo oise Spielgruppekids
November 2022
Abschlussfestwoche 2022
Es mega schöns Jahr god z End. Mir hend i dem Jahr so viel tolli Chinde uf em Brändlehof dörfe Begrüesse.🙂 Mir hend schöni Moment und Erläbnis dörfe gnüsse.🐶🐴🐄🐮🐏🐁🐇 Mit Abschiedsträndli und en mega Stolz verabschiedet mir es paar Chinde in Chinzgi. Mir wünsched allne viel Freud und Spass im Chinzgi. Für s Vertraue, die schöne Begegnige und die mega mega tolle Gschenk und Buffes am Abschlussfestlis möchted mir oi ganz herzlich danke❤
Besuch bei den Straussen in Ifwil
Muttertag 2022
8.5.2022
I de Wuche vor em Muttertag händ Papis, Grosis, Omis, Tantis, Göttis und Verwantis vo de Chinde ois i de Spielgruppe bsucht und händ für Mamis öbis gstaltet uf de Muettertag. Alli sind sehr kreativ gsie und es het tolli, verschiedeni, kreativi Böxli geh für Mamis. Es isch en tolli Wuche gsie mit lässige Begegnige und intressanti Gspröchli. Allne Mamis en schöne Muettertag.
Klopfer, Pauli und Lilly in der Schule
25.4.2022-6.5.2022
Oisi Tochter Lia bsuecht di 1 .Klass in Gunterhausen. Vor de Ostere hend sie s Thema Häsli gha i de Schuel.
Sie hend alles rund um Hase glernt. Vom Esse bis zu de Haltig.
Passend zum Thema het mich Klasselehrerin Tamara Füglister agfroget ob mir ois chented vorstelle oisi Häsli id Ferie geh.
Mir hend da e super Idee gfunde, den für ois isches wichtig das Chind lerned wie mehr mit Tier richtig umgaht und haltet.
Noch de Frühligsferie ame Mentigmorge han ich die 3 iglade und id Schuel brocht. Chinde hend mega freud gha und hend sich liebevoll
um oisi 3 Häsli umsorgt. Nach de erst Wuche sind sie den no e Wuche id Klass vo de Sabrina Zuberbühler.
Mir bedanked ois ganz herzlich bi de zwei Klasselehrerinne und allne Schüler/inne, dass sie oisi Häsli so schön verwöhnt hend.
Einzug in neuen Stall
12.4.2022
Am Zistig sind mir noch langem kämpfe ( Bewilligung, Bauphase) i oise neue Kuehstall izoge. Was für en Tag. Oisi Chüeh sind usem alte Stall grennt und hend uh freud gha uf dem schön neue mit Gummimatte usgleitem Bode umzspringe. Die Wuche vor de Ostere hend mir etzt sehr viel Ziit im neue Stall bi de Tier verbracht. Den es isch vieles neu, moderner und technischer wie vorher. Küeh wie au mir dünd etzt ois langsam drah gwönne ;) Mir hend uh freud das oises Projekt stand cho isch und oisi Tier etzt en grössere, hellere und tierfründliche Stall hend. Mir freuend ois sehr den Spielgruppechind de Stall izoge zeige und nüme Baustell ..
Fasnachtswuche 2022
Die Wuche hend oisi Kids dörfe verchleidet/ gschminkt id Spielgruppe cho. Es sind Pirate,Hexli, Feen, verschiedeni Tierli und Poliziste ufem Brändlehof gsie🙂 zeme hemer Musig und en chline Umzug gmacht. De Eltere entgege gamge simer mit ere selbergmalede Tröte😉
Vogelfuetter
Woche 2 im 2022
Die Wuche hemer s chalte Wetter gnutzt und hend es Füürli gmacht. Ufem Füür hemer Kokosfett gschmolze. Jedes Chind het e Tasse becho wo ois Melanie Marti und Familie vo de Coopmärkli gsammlet het. Danke viel viel mol.
Is Tassli hend Chinde Chörndli gfüllt und gmischt mit em Fett. Zum Schluss es Steckli drii das Vögeli chan drufsitze und Chördli picke🙂🙂
Grittibänze vom Brändlehof
Chlauswuche 2021
Die Wuche hemer uf em Brändlehof ganz en hufe bache. Viele verschiedeni Grittibänze heds geh.. ih allne Farbe, Forme und bunt dekoriert. Jede het sis Werk am Schluss dörfe hei neh ... vilicht heds für Familie au no en Biss geh deheim :)
Schöni Adventsziit
1.12.2021
Am Mittwuch bin ich überrascht worde vome Spielgruppechindmami mit ere riese Schachtle mit 24 verschiedene Päckli drin ;) Danke vielmol für de Adventskalender. Ich bin gspannt uf jede Tag es Päckli uspacke. I dem Sinn wünsched mir allne ganz e schöni Adventsziit.
vom Öpfelsammle.. schniede... hacke..presse... bis zum feine
Most. Für jede es Fläschli
Nothilfekurs für Kleinkinder
Samstag 11.9.21
Hüt hät s Brändlehofteam am "Nothilfekurs für Kleinkinder" teilgnoh. Gleitet vo de Claudia und de Margrit vom Samariterverein Trüllikon. Es isch en sehr lernriche Tag gsie. Mir hend viel glernt und händ chene üebe für d Erst Hilf. Da Claudia i oisem Spielgruppeleiterinneusbildig gsie isch, hemer e sehr vertrauti Lernatmosphäre gnosse.
Viele herzliche Dank für de tolli Kurstag. Mir hend en hufe chene mitneh😉
Es sind noii Hääg entstande, d Lea het ois e Wuche unterstützt
, es isch es vierts Rössli izoge
, de Alex (ehemaligs Spielgruppechind) het en Tag voller Elan bi
ois mitghulfe und s Burehofläbe vom morge am halbi 6 bis zobig am 7ni voll mitverfolgt
sHühnerhüsli isch uf fordermann brocht worde und sgrösse Ereigniss isch gsie: Mi hend Baustart gha vo oisem
Chuhstallneubau und Rösslistall
wahnsinn was die Arbeiter/inne jede Tag leisted und mer a de Bilder gseht was sie gschaffed hend
mi freued ois sehr uf alli neue und bekannte Gsichter :)
Séverine
Sit 2019 würkt sie scho inere Burehofspielgruppe mit und ab jetzt no bi ois mi freued ois Sie i oisem Team zbegrüesse
dLea usem Tessin het ois wider ufem Brändlehof unterstützt
mir sind mit de Hünd go laufe
.. go rite.. melche.. g haaged... Rössli putz.. gmistet.. Häsli gstreichled.. bached..
choched
.. und vieles meh..
danke viel mol Lea bisch du cho und hesch mitghulfe
Calimero
Freitag 23.7.21
Wenn das Herz gege de Plan entscheidet herzlich Willkommen zurück Zuhause Calimero ab hüt sind z 4te ufem Brändlehof
Abschlussfästli
Dienstag 6.7 / Donnerstag 8.7/ Freitag 9.7
Was für e tolls Jahr goht zEnd.
Die Wuche hend die ledste Spielgruppemörge vor de Summerferie stattgfunde. Noch de Spielgruppe.. hend mer nochli gfiired. D Eltere hend dörfe es Hofreisli mache mit de Kids. Noch em verewige und gstalte ufem Silo hemer oisi grosse Chinde zu Chinzgichinde verzauberet und Gschenkli überreicht. Bi Grill und Knappersache hemer de Morge usklinge loh😀 mir dörfed uf es sehr tolls Johr zruggblicke. So viel tolli Erläbnis . .. Moment und strahlendi Auge hemer dörfe gnüsse. Mir danke allne Familie für da mega Jahr. Mir wünsched allne wo in Chinzgi gönd en tolle Start und freued ois die neue und bekannte Chinde noch de Ferie ufem Brändlehof zbegrüesse wens wider heisst:"Ufem Buuure Buuure Burehof.. isch immer immer öbis los...🐐🤪🐶🐔🤪🐏🐈🐄🐴🤣"
Bsuech i de Dorfchäserei Guntershausen🧀🧀
29.6 Dienstag 1.7.21 Dunnstig
Die Wuche simer mit de Burehofspielgruppe go luege wo oisi Milch vom Brändlehof here gaht und zu Emmentaler verarbeitet wird. Sehr sehr intressant gsie. Die verschiedene Schritt und s probiere vo dem feine Chäs😋😋 Danke viel mol am Beni Näf und Team das ihr ois de Ihblick ermöglicht hend.😉De Gunterhuuser Emmentaler cha bi de Familie Näf direkt oder im Dorfmarkt kauft werde.
Usflug zu den Straussen🙂
Donnerstag 6.5.2021 und Dienstag 11.5.2021
Bim letzte mol vor de Heuferie hämer de Mali und Nils igspannt und sie hend oisi Spielgruppegruppechinde uf Ifwil zu de Familie Schwager www.schwager-strauss.ch kütscheled🐴🐴🙂 Det hend mir Strusse vo 2 Täg bis usgwachse dörfe aluege. Au es richtigs Strusseei hemer dörfe bestune. Isch sehr idrücklich und intressant gsie. Mir danked de Familie Schwager für ihri Gastfründschaft und dasmer hend dörfe inegügsle. Mir freued ois ufs negste mol😍😍
Freitag 30.4.2021
Besuch von Frauenfeld
Am Fritig händ ois 4 Spielgruppechind und ihri Leiter/in vom Kinderheim SPLIS in Frauenfeld uf em Brändlehof bsucht. Passend zu ihrem Thema Burehof hend mir mitenand alli Tierli bsucht, gfüettered und gstreichled.🐴🐮🐶🐔🐰🐐🐑 Sie hend mit ois Znüni gesse, gsunge und gspilt. Mir händ ois sehr gfreut das sie ois bsuecht händ. Es het Spass gmacht.😍😍
Dienstag 27.4.2021
Bericht in der Zeitung
A dem Spielgruppemorge het ois d Ruth Bossert bsuecht. Sie het beobachtet und miterlebt was bi ois so i de Burehofspielgruppe ame Morge gad😊
Sie het den en herzige Bricht für de Schwiizer- und Thurgauerbuur gschribe. Danke viel mol Ruth für din Bsuech und dini tolle Bricht😍
Donnerstag 8.4.2021
Herzlich Willkommen Malabar
Am Dunnstig sind mir uf Bazenheid im Stall Schöneberger bi de Katja Wagner www.stall-schoenenberger.ch
/ www.stall-wagner.ch
oises neue Pony de Malabar go abhole.
Oisi Chinde nenned ihn "Mali".
Mir freued ois sehr, de Mali uf oisem Brändlehof zbegrüesse. Er liebs verwöhnts werde vo de Chinde. Sie chend en putze, pflege, streichle, führe und rite. Mir freued ois, dass er ois noch de Frühligsferie i de Burehofspielgruppe begleitet.
Frohe Ostern 2021🥚🥚🥚
Dienstag 9.2.2021
Start neu Gruppe
Wowwww mir sind überwältigt hüt het e neue Gruppe id Burehofspielgruppe gstartet. Alli hend das super
gmacht So tolli Chinde hend ois ufem Brändlehof bsuecht mir freued ois sehr mit Ihne tolli Aktivitäte zerläbe
21. / 22. Januar 2021
Vogelfutter
Chalt Chalt... das Wetter isch de richtigi Ziitpunkt gsie zum Vogelfutter mache mit de Spielgruppechinde.
Mit de grössere hemer Tassen gfüllt mit Futter gmacht und mit de chlinere Chinde hemer Rölleli bestriche und Chördli aneklebt. Sie hend das super gmacht und Vögel werdet sich freue :)
Ufgwachse isch sie ufem elterlichen Landwirtschaftsbetrieb
"Höchi" in Stettfurt.
Dezember 2020
Seife für Körper und Händ
All Jahr die glichi Frog was schenked mer Gotti, Götti und Familie uf d Wiinacht?🙂
Das Jahr hemers sehr passend zum Thema troffe😉 Am Lenny sini Waldspielgruppeleiterin Kathrin Martin het Afangsjahr d Handgmacht -Seifenmanufaktur zeme mit zwei Fraue gründet. Wow woni vo dem ghört ha hani denkt das passt super als Wiinachtsgschenk🙂 dasmer glich no öbis persönlichs vo de Chind chend schenke, hemer dezuh Seifeschale selber betoniert🤩
Oisi Gschenkli sind mega guet bi oisne Beschenkte acho und au mir sind total begeisteret vo den tolle Seifene zum Händwäsche oder Dusche. Lueged doch under www.handgmacht-seifenmanufaktur.jimdosite.com mol ine was für es vielsiitigs Agebot sie hend. Es lohnt sich uf jede Fall😊😊
, Familie, Fründe, Verwanti und Bekannti ganz schöni Festtäg und en guete Rutsch
Macheds guet und blibed GsundPs: die schöne Werk hend Chinde gmacht
3./4.12.2020
Griitibänz
vom Brändlehof
die Wuche hemer mit oisne Burehofpielgruppechinde Teig knetet...Farbe gmischt... Mändli gformt...agstriche und bached
Chinde hend da soo super gmacht.. het ois uh Spass gmacht
Donnerstag 24.09.2020 / 1.10.2020
Öpfelsäckli
Blümli/Pflänzli sammle, kleberle und ifühle
so toll hends Chinde gmacht und jede het pünktli zur Ferie dörfe sis Werk heineh
mir wünsched allne schöni Herbstferie und froied ois noch de
Ferie wider alli zBegrüesse
Donnerstag 24.10.2020
Moste
Hüt isch moste s Thema gsie mit oisne Kids ufem Brändlehof. Vom Öpfel uflese,
zum hacke und Presse toll gsie
Freitag 11.9.2020
Ziitigsartikel i de Burezitig und Regi
Ruth Bossert hät en tolle Bricht gschribe,
wo hüt i de Bureziitig und am 6.10 i de Regi erschine ischdanke dir viel mol..er isch super worde
Sonntag 16.8.20
Ihzug vo de Häsli
Dörfmer oi vorstelle: Hüt isch d Lilli, de Pauli und de Klopfer i oisi Hasevilla izoge🐇🐰🐇 Herzlich Willkomme Ihr 3 bi ois ufem Brändlehof😍 danke viel mol de Nathalie und em André für die liebevolli Ufzucht🥰
Donnerstag 13.8.20
Start Burehofspielgruppe
🐶🐴🐮🐏🐥 Hüt het oisi Burehofspielgruppe ufem Brändlehof gstartet mit em Thema Bibeli /Huhn 🐥🐥🐥E mega tolli Gruppe😍 Mir freued ois sehr.. vieli Aktivitäte mit oi zerläbe.
Samstag 8.8.20
Massivi Hasestall
Hüt isch au oise "noii" Hasestall fertig worde.🐇🐇🐇🐇 Es isch gar ned planed gsie so en massive Hasestall zmache. Ich han jo eich eine pösteled. Da ich aber am Mittwuch zu mim Papi bi und mir de alti Bibelistall (vo oisere Chindheit) hend wele zwäg mache. Es sind immer meh vermodereti Bretter und Bälkli füre cho, drum händ mir ois entschlosse en noie zmache. Da de so Massiv und schwer worde isch, ha ich mich entschlosse de als Hasestall zbenenne und Bibeli sind is Chlitierhuus izoge🙂🙂 Noch gefühlte 100 mol in Lade go Better.. Scharnierli..Schrube ..ect hole und wo gfällt hend und es paar Schweisstropfe😜😜hanis hüt gschafft de Stall fertigzstelle😁Danke viel mol mim Papi für sini Hilf, sHolz und die gueti Idee. Danke au am Opi und Pascal fürs helfe hebe. So heds en mega tolli sicheri Haseoase für i de Nacht geh😊 und ich ha mich mit Bormaschine, Meter und Sagi wider mol dörfe uslebe😂
Samstag 8.8.20
Matsche matscheeee
Hüt isch oisi Matschchuchi igweit worde... danke Opi fürs schniede🔨
Donnerstag 6.8.20
Bibeli izoge
Dörf ich oi vorstelle..Hüüt sind 8 Bibeli bi ois izoge.. Mir freued ois sehr mit allne Chinde wo uf de Brändlehof chemed s beobachte wie d Bibeli läbed und wachsed😍🐥🐥🐥
Dienstag 4.8.20
Tafle ufgstellt
Hüt hemer oisi noie Warntafle ufgstellt. Gmoled het sie Sevarina.👩🎨Danke viel mol😘
Montag 6.7.2020 - Freitag 10.7.2020
d LEA usem Tessin
Was für e tolli Wuche. 🙂🙂Vor einige Wuche het mir es Mami vom Tessin aglüte ob ihri 12 Jährigi Tochter zu ois e Wuche uf de Burehof dörf,sie hegi oisi Internet Site gseh🙂 Mir hend denkt jo eh... 😉 und am Mentig isch den d Lea cho😍 oisi Chind hend sie ab de erste Sekunde ahghimmlet und gliebt💕💕 d Lea het ois die ganzi Wuche ufem Brändlehof begleitet..vom Chliitier streichle und fütter... Agility mache mit oisne Hundis ... Hase Haag baue... Kutsche fahre...Pizza bache mit Kinds bis zum melche. Mir hend die Wuche alli zeme gnosse und danked de Lea ganz herzlich dasi bi ois gsie isch. Mir freued ois dich bald wider zgseh😍
Freitag 20.6.2020
Schnuppermorge
Mir hend hüt bi oisem Schnuppermorge vom Burehoftier - Erläbnis so tolli Chind keneglernt😀😍 Mir freued ois starte mit oi noch de Summerferie🐶🐴🐮🐏🐇
Samstag 20.06.2020
Zwei neui uf em Brändlehof
Hüt sindde Tom und de Timmy bi ois izoge🐑🐑
Samstag 7.9.2019
Dorffest Guntershausen
Oisi Spielgruppetierli, die zwei Zwerggeisli de Ferdi + Zita und Oisi Wullesäuli de Fusel und d Krümel sind au am Dorffest debi gsie.
Die 4 sind vo vielne Chinde gfuettered und gstreichled worde, sie händ da i volle Züge gnosse😊
Donnerstag 10.1.2019
Mit em Bob durch de Schnee
Da es über d Nacht uf de Dunstig so viel Schnee geh het, händ mir denkt das mümer usnütze :)
Mi händ oieses Pony de Nils igschired und alli Böb a ihm aghenkt und sind so dur de Schnee gflitzt.
Es het richtig gfätzt.. hoffemer das am Zistig den immerno so viel Schnee het,
dasmer da Abentüür chend wiederhole.
6. / 11.9.2018
"Hopp Hopp Hopp... Nils lauf Galopp"
Die zwei Spielgruppemörge sind chli bsundrigs gsie... am morge hät Patricia ihres Pony de Nils igspannt und alli Feldzwergli händ dörfe ufs Ponywägeli höckle. De Nils het alli in Wald uh gfahre wo mir den oises Znünipäuseli uf em Benkli gmacht händ.
Nach de stärchig im Wald händ mir ois den wider uf de Zruggweg gmacht.
Tolle Usflug isch da gsie mit em Nils.
Freitag 17.8.2018
Wullesäuli sind izoge
Grunz Grunz... mir sind da. Hüt sind bi ois 2 Wullesäuli izoge.
Es Wiibli und en Bueb. Mol luege was di zwei den für en Name bechömed ;)
Mittwoch 4.7.2018
Haag ufgstellt
Hüt händs s`Netz am Chliitierghäge montiert.
Jetzt könnd Hühner und Geissen ihzieh.
Samstag 16.6.2018
Sandkaste baue
En neue Schritt für d`Erlbenislandschaft vo oisere Bauernhofspielgruppe ist gschaft. Hüt händ die "starke Gunterhausermanne" de Ushub für de riese Sandkasten mit Schuufle und Bagger gemacht.
Samstag 9.6.2018
Vorbereite Chlitierhaag
Mit liebe freiwilige Helfer händ mir de alti Hühnerhagg abgrumt,
das am Mentag 11.6.2018 den Pfähl iibetoniert werden könnd.
Spende Kerzenziehen Aadorf
Dezember 2023
Der Erlös vom Kerzenziehen Aadorf wird jedes Jahr in de Gemeind gespendet.
Das Jahr gad de Betrag a alli Spielgruppen i de Gemeind. Viele Danke das au oisi Burehofspielgruppe Brändlehof en Teil becho het🙏